arryk

1) Hor, etsiz-gansyz, süňkleri çykyşyp duran.

∙ Gök ýüň şarf onuň arryk, damarlak boýnuna oralgydy. (L. N. Tolstoý, Saýlanan eserler)

∙ Onuň ozaldan hem arryk ýüzüniň tumşuklary gysykdy. (A. Gowşudow, Mähri-Wepa)

∙ Arryk adam. Arryk düşen mal.

2) Gurpdan düşen, güýji gaçan, gowy hasyl bermeýän (ýer hakda).

Ýazuw düzgüni: Soňuna çekimli ses bilen başlanýan goşulmalar ýa-da -rak goşulmasy goşulanda, k sesi g sesine öwrülýär.

Meselem arryk - arrygy.

◊ arrygyňy gynamak — Bir zadyň ugrunda heläk bolmak, biderek alada etmek.

∙ Arrygyňy gynama, senem pu-uç! Biziň üçin arrygyňyzy gynamaň. (B. Kerbabaýew, Aýgytly ädim)

∙ Dutar çalyp, aýdym aýdyp bilýän adamdan köp zat ýok, birneme arrygyňy gynamak gerek we olary tapyp getirmek gerek. («Tokmak» žurnaly)